Lalrinpuii chuan thu sawiin, "Hmeichhia te hi chhungkaw innghahna bulpui pakhat kan ni a, Hmeichhe hrisel chuan chhungkaw hrisel a ken tel tlat avangin kan hriselna kan ngaih pawimawh zual a ngai hle a ni," a ti.

"Tunlaiah non communicable disease kan tih - thisen sang, zunthlum leh hypertension kan neih leh neih loh te hi kan in check uluk a ngai hle a, hetiang hian nunna tam tak a lak tawh avangin a kan ei leh in kan fimkhur a, a khat tawka kan taksa hriselna dinhmun diktak hre tura test kan neih thin a tha a ni," a ti bawk.

RIPANS in mipui tana free medical health camp an buatsaih chu a lawmawm a tiin, mipui tam takin chhawr tangkai thei se a duh thu a sawi, niin vawiina sorkar thuchhuah chuan a tarlang.

He hunah hian Dr Sanjay D Sawant, Director RIPANS in inlawmna thu a sawi a, hetiang health camp hi vawi 10 lai neih an tum thu a sawi.